我永遠也不會忘記2007年10月25日, 自我出生以來最悲痛、最難過的一天。

希望你會知道，你永遠也活在我心中, 我永遠都不會忘記你......

啱啱睇番之前一個entry, 講到"際遇"。我當時喺度問我嘅際遇會係點, 點解lalalam提到轉到工的友人唔係我......而家回想起, 有好多感觸。

原來轉到工, 並唔代表一定係好嘅際遇....我離開左TVB後去左weekend weekly做senior marketing executive. 當時覺得, e...幾好喎, 可以升做senior, 做番自己鍾意做的pr and marketing, 又加左咁多人工, 而且只係番5日......樣樣野好似好好咁, 但sorry, 原來我同嗰度嘅culture夾唔到, 唔適應嗰度嘅working environment, 我好似唔係做緊自己, 變左另一個人, 工作比想像中繁重好多, 我冇辦法抽到時間探daddy, 令我覺得好辛苦, 好似唔知做野為咩咁.....所以, 經過一輪爭扎後, 我決定左辭職。

辭職後的日子並唔易過, 因為問題又黎番, 當初我點解要轉工?而家得到d乜野?

呢件事令我知道，轉到工並唔代表係好的際遇.........際遇, 原來真係唔係自己可以控制的

我而家做緊嘅呢份工又係唔係一個好嘅際遇呢? 定係所有野都係一個間段, 為我即將面對的野作出鋪排呢? 咁樣先係好嘅際遇? ..........................我期待著(上天給我的安排)

My Farewell dinner

 全民大合照

 好朋友s

 新舊明珠人

離開左TVB差唔多一個月喇，而家先得閒upload臨別前影嘅相，睇住下面呢d先，遲d仲會有同其他靚女、靚仔同事的合照，密切留意啦....

大家認得d咩人呢? cryrus? 謝玲男友?定係曾經上港聞嘅監製......haha，左下呢張相我好鍾意，係一班道具房同事同我喺道具室嘅合照

我兩位靚女teammates

 Full team....下面兩張我已經喊左，曾生嘅說話我永遠都會記得

係人都知一廠係唔可以影相，但我可以破例同Shirley喺度合照，全賴Sammy....thz~

做左志雲飯局咁耐，點可以唔同一班台前幕後嘅工作人員影相呀，特別要多謝Paul&女朋友黎探班

我返黎啦.....

60/6

懷住興奮嘅心情+沈重嘅旅行袋，放左工之後就出發去機場，實現我期待已久、為期7日嘅「上海之旅」。yo.......可以放一個唔使用腦嘅"悠長"假期，點都好啦，就比自己休息下，暫且放低一大"咋"嘅煩惱。

去到落機已經係夜晚8點，captain話氣温攝氏33度，好彩Lawrence同埋司機William叔叔黎接我地，唔係真係熱死同餓死都未返到屋企.......

姐姐無黎接我地，因為佢喺屋企特別為我炮製生日大餐........好開心、好感動 (番到屋企仲見到有人特登安排嘅花tim, 哈哈哈哈)

1/7

適逢香港回歸10周年，又係我生日24周年喇......今年冇喺香港慶祝，先發現原來自己都有小小嘅民族意識，好想知道香港點去慶祝回歸10周年，唔可以親身感受到，竟然有d d嘅失落.......但魚與熊掌，比我揀多次，我都係會揀去上海慶祝生日, hahaha

00:00，makchi送左一張好靚、好多makchis嘅生日咭比我，仲有隻錶，最開心唔係因為件禮物本身，喺有人為我整card所花嘅時間，同埋晨早起身、趕喺上機前為我改錶帶嘅細心…….十級感動~

朝早，我地去左一間喺外灘比較grand嘅意大利餐廳食飯，好好味，又唔太貴，六個人都係一千蚊到，好食又開心。跟住我地行左一行黃埔灘，就搭船去左正大廣場shopping, 嗰度有Zara、H&M、UNIQUO等等我地熟識嘅brands, 仲放便過香港…..我地後尾入左addidas專門店，個sales行過黎同我講話我好似陳松齡，我真係尷尬到暈…..仲想打爆佢個頭，但佢一臉"讚賞"嘅模樣KEEP住係咁講，仲要走去問其他sales我似唔似，我唯有以笑遮醜啦..........

之後，原來makchi有精心安排，買左Cirque du Soleil喺上海首演嘅「神秘人」嘅飛，我超開心呀，呢次係我第一次睇circus，仲比個actor請左上台一齊表演tim, 劇情係講佢想追我，所以搾左架車黎接我去街……我跟佢嘅指示做動作，但我有一part唔係好follow到，全場都喺度笑，好好玩，後尾佢仲送左佢支props玫瑰花比我，又錫左我一啖，好surprise、好難望。

跟住去左一間好出名嘅吳記食火煱……好飽、好滿足

2/7

今日一早就出發去左杭州，買左一頂小紅帽，去左西湖，除左個「靚」字，就只有個……「熱」字;有人好頂唔順，講左句:「我唔係好啱觀光團，唔夠快快脆同我搞掂佢。」hahhahahahah，笑死我

3/7

朝早去左裕園食左小籠包之後就開始唔係好舒服，死頂去左新天地行左一陣之後，就要返屋企休息……唔可以陪makchi同個客食飯，好掃慶

4/7

去左田子坊行街，行多其他幾個地方一陣(已經唔記得左d名)，就去左Raffle City食cake抖下，夜晚就去小肥羊打邊爐，跟住買左一大ja dvd後就去左做腳底按摩……都幾舒服呀

5/7

今日精神好d，去左一間唔知叫咩夏麵館度食麵，跟住去左一座專為人造衫嘅building睇人造衫…..再去完科技館睇翻版野後，就去左一間可以睇到上海夜景嘅地方食飯，好靚好靚；但之後，惡夢就發生左，我地兩個諗住去做massage，點知我地等左差唔多半個鐘先上到車，不過可惜係一架黑車，原本路程只有5分鐘，佢dau左我地半個鐘不特止，仲收我地50蚊，好黑….好彩最後都安全到達，但就乜mood都冇曬….唉!

6/7

好喇好喇......喺時候要走啦，有機會先再黎上海啦..........................!